AFP
Irakskaja armija ŭziała pad svoj kantrol kompleks uradavych budynkaŭ u centry horada Ramadzi, raźmieščanaha prykładna ŭ 100 kiłamietrach ad Bahdada.
Ramadzi adbity u bajevikoŭ «Isłamskaj dziaržavy» paśla bajoŭ, jakija doŭžylisia kala tydnia. Uradavaja armija Iraka pravodziła apieracyju pry padtrymcy amierykanskaj avijacyi.
Pierad pačatkam bajoŭ za Ramadzi ŭ horadzie naličvałasia kala 400 bajevikoŭ ID. Častka ź ich byli zabityja, pierš za ŭsio, u vyniku pavietranych udaraŭ, astatnija adstupili sa svaich pazicyj i pakinuli horad.
Horad Ramadzi byŭ zaniaty bajevikami «Isłamskaj dziaržavy» ŭ mai 2015 hoda. Irakskaja armija, viarnuŭšy kantrol nad im, źbirajecca praciahnuć nastup u napramku Masuła, zachoplenaha «Isłamskaj dziaržavaj» u červieni 2014 hoda. Masuł — najbujniejšy horad, jaki znachodzicca pad kantrolem ID u Iraku.
