Stypiendyja imia Arkadzia Smoliča vydajecca studentam biełaruskich vyšejšych i siarednich śpiecyjalnych navučalnych ustanoŭ za vybitnuju hramadskuju, kulturnuju i sacyjalnuju dziejnaść u halinie raźvićcia hramadzianskaj supolnaści Biełarusi.
Stypiendyja zasnavanaja šeraham niekamiercyjnych i kamiercyjnych arhanizacyjaŭ, a taksama vysiłkami asobnych hramadzianaŭ. Siarod arhanizacyjaŭ u stypiendyjalny fond achviaravali: Mižnarodnaje hramadskaje abjadnańnie ZBS «Baćkaŭščyna», hramadskaja kulturnickaja kampanija «Budźma biełarusami!» (Biełaruś), Centr raźvićcia studenckich inicyjatyvaŭ (Biełaruś), kulturnickaja placoŭka «Art-siadziba» (Biełaruś), Bractva arhanizataraŭ studenckaha samakiravańnia (Biełaruś), pravaabaronča-aśvietnickaje hramadskaje abjadnańnie «Ruch «Za svabodu», moładzievaja asacyjacyja «StudAlliance» (Litva), Studenckaje pradstaŭnictva Jeŭrapiejskaha humanitarnaha ŭniviersiteta (Litva).
Svoj asabisty ŭniosak u stypiendyju zrabili: Kirył Atamančyk, Maksim Marynič, Ihar Nazaranka, Jaŭhien Michasiuk, Pavieł Bykoŭski. Taksama, siarod fundataraŭ stypiendyi jość kampanii «Vilnius Relax» (Litva) i «UFOX Media» (Biełaruś).
Arhanizatary Stypiendyi sabrali 40 zajavak, siarod jakich 7 trapiła ŭ finał.
U vyniku hałasavańnia, pieršaj stypiendyjantkaj stała studentka architekturnaha fakulteta Nacyjanalnaha techničnaha ŭniviersiteta Hanna Śmirnova za inicyjatyvu moładzievaha letnika «Lubča nad Niomanam», dzie studenty ŭłasnymi vysiłkami adnaŭlajuć histaryčnuju spadčynu Biełarusi — Lubčanski zamak.
Arhanizatary Stypiendyi imia Arkadzia Smoliča zaprašajuć dałučacca da inicyjatyvy. Kožny achvotny moža achviaravać srodki na Stypiendyju, zapoŭniŭšy karotkuju formu.
