Amierykanskaja kampanija Cabot Guns śpiecyjalizujecca na vyrabie zbroi kłasa «luks», jakuju časam apisvajuć jak «Rolls Royce siarod pistaletaŭ». Adnak hetym razam firma pieršaj zajaviła pra płan zrabić nabor pistaletaŭ u styli znakamitych Colt 1911 ź mietału kaśmičnaha pachodžańnia.
Kavałak mietearytu, ź jakoha zrobiać 2 pistalety.
Raniej u hetym hodzie kampanija nabyła 35-kiłahramovy askiepak mietearytu Gibeon, jaki maje ŭzrost kala 4,6 młrd hod, a ŭpaŭ na Ziamlu kala 500 tys. hod tamu. Mietearyt taksama maje redkuju i vielmi pryhožuju krystaličnuju strukturu, dziakujučy čamu nievialikija jaho kavałki vykarystoŭvalisia ŭžo juvielirami, naprykład, dla ŭpryhožvańnia hadzińnikaŭ Rolex.
Adnojčy kampanija ŭžo vykarystoŭvała mietearytny mietał - ź jaho zroblenyja nakładki na rukajatcy zbroi.
Pistalety nie buduć tolki darahim aksiesuaram, i kampanija abiacaje samyja vysokija standarty jakaści nie tolki estetyki, ale i funkcyjanalnaści. Pistaletami kampanii karystaŭsia adzin ź pieramožcaŭ strałkovych spabornictvaŭ Nacyjanalnaj strałkovaj asacyjacyi ZŠA.
Firma paviedamiła, što adzin kalekcyjanier pranavaŭ joj za hety nabor $250.000 tolki kali pačuŭ pra kancept, adnak aceńvaje, što para ŭnikalnych pistaletaŭ (dla pravaj i levaj ruki) moža kaštavać ad $500.000 da $1.000.000 i bolš.