Jak paviedamlaje prapucinski sacyjałahičny centr VCIOM, 94% žycharoŭ Kryma zhodnyja na niaznačnyja pieraboi ŭ elektrazabieśpiačeńni ŭ bližejšyja 3—4 miesiacy.
Bolš za 93% žycharoŭ paŭvostrava, pa śćviardžeńni VCIOM, nie padtrymali zaklučeńnie kantraktu na pastaŭku elektryčnaści z Ukrainy, kali ŭ im budzie farmuloŭka pra toje, što Krym ŭsio jašče źjaŭlajecca častkaj Ukrainy.
Apytańnie žycharoŭ Kryma było praviedziena 31 śniežnia. Ministr enierhietyki Rasii Alaksandr Novak raspavioŭ ab prapanovie prezidenta Rasii Uładzimira Pucina pravieści apytańnie žycharoŭ paŭvostrava pierad tym, jak zaklučyć kantrakt na pastaŭku elektraenierhii z Ukrainy.
Zhodna z umovami, prapanavanym Ukrainaj, u kantrakcie pavinien byŭ być punkt ab tym, što Krym i Sievastopal zastajucca častkaj krainy. Ułady Rasii vyrašyli daviedacca ŭ žycharoŭ paŭvostrava, ci zhodnyja jany z hetaj farmuloŭkaj.
Kali dahavor z Ukrainaj nie budzie zaklučany, to deficyt elektrazabieśpiačeńnia, pa słovach Novaka, budzie pakryvacca z dapamohaj dyzielnych hienierataraŭ.
