Palicyja la hałoŭnaha vakzała ŭ Miunchienie
Hrupa ŭ składzie ad piaci da siami terarystaŭ siryjskaha i irakskaha pachodžańnia, jakija rychtavalisia, jak miarkujecca, padarvać siabie ŭ noč na 1 studzienia na dvuch vakzałach u centry i na zachadzie Miunchiena, imavierna, dziejničała pa zadańni terarystyčnaj hrupoŭki «Isłamskaja dziaržava» (ID). Pra heta paviedamili pradstaŭniki miunchienskaj palicyi, piša Deutsche Welle.
Fiederalnaje viedamstva pa kryminalnych spravach abviaściła ab mahčymych napadach pravaachoŭnyja orhany stalicy Bavaryi ŭ čaćvier, 31 śniežnia, kala 19:40 pa miascovym časie. U svaju čarhu, viedamstvu było paviedamlena pra kankretnuju pahrozu teraktaŭ francuzskimi śpiecsłužbami, udakładniaje na svaim internet-sajcie hazieta Frankfurter Allgemeine Zeitung.
Fiederalnaja raźviedsłužba Hiermanii (BND) mieła adpaviednuju infarmacyju ŭžo 23 śniežnia. Pry hetym, pavodle vydańnia, jana mahła atrymać źviestki ab płanach terarystaŭ ad aśviedamiciela ŭ Iraku.
Paśla taho, jak stała jasna, što pahroza realnaja, pravaachoŭnyja orhany Miunchiena sfarmavali kryzisny štab.
U noč na 1 studzienia, pravaachoŭniki ačapili hałoŭny vakzał Miunchiena i stancyju Pazinh na zachadzie horada. Usie pasažyry i absłuhoŭvajučy piersanał byli evakuiravany praz pahrozu teraktaŭ.
