U Hrodnie kala kramy skrali parodzistaha sabaku, paviedamili va UUS Hrodzienskaha abłvykankama.
«Leninski RAUS Hrodna šukaje dvaich mužčyn, jakija padazrajucca ŭ kradziažy sabaki parody džek-raseł-terjer, jaki prapaŭ u rajonie vuł. Limoža kala 22.30 1 studzienia. Heta pieršaje złačynstva, ździejśnienaje ŭ 2016 hodzie», — adznačyli va ŭpraŭleńni ŭnutranych spraŭ.
Jak paviedamili va UUS, dvoje mužčyn ŭvajšli ŭ kramu «Ałmi». Paśla skančeńnia pakupak ŭbačyli ŭ tambury ŭniviersama parodzistaha sabaku. Na videa vidać, što jaho haspadar zajšoŭ u handlovy abjekt, pryviazaŭ sabaku da parenčaŭ i adpraviŭsia za praduktami. Praź niekalki chvilin kamiera nad uvachodam fiksuje, jak z sabakam vychodziać dvoje hramadzian.
Tych, chto vałodaje jakoj-niebudź infarmacyjaj, prosiać patelefanavać: 8 (01512) 79-70-44, 79-74-64 abo 102. Samim ža hramadzianam rekamiendujecca pryjści ŭ milicyju i dać tłumačeńni z nahody incydentu.
