Jeŭrakamisija maje namier uziać pad kantrol situacyju ŭ Polščy vakoł pryniataha zakona ab ŚMI.
Pra heta ŭ intervju Frankfurter Allgemeine Sonntagszeitung zajaviŭ jeŭrakamisar pa ličbavaj ekanomicy i hramadstvu Hiunter Etynhier.
«Jość šmat arhumientaŭ na karyść taho, kab zadziejničać pravavy miechanizm ES i pastavić Varšavu pad nazirańnie», — zajaviŭ jon.
Pa słovach Etynhiera, Jeŭrakamisija razhledzić hetaje pytańnie na svaim bližejšym pasiadžeńni 13 studzienia.
Nahadajem, 1 studzienia była pryniata novaja redakcyja zakona, jaki rehuluje dziejnaść dziaržaŭnych ŚMI.
Tak, pryniatyja papraŭki da zakona, prapanavanyja deputatami kirujučaj partyi «Prava i spraviadlivaść», praduhledžvajuć siarod inšaha daterminovaje skančeńnie paŭnamoctvaŭ členaŭ praŭleńnia i naziralnaha savieta Polskaha telebačańnia i Polskaha radyjo.
Zakonam praduhledžvajecca, što členaŭ praŭleńnia i naziralnaj rady dziaržaŭnych ŚMI budzie zaćviardžać ministr dziaržkazny.
Takim čynam, zakon admianiaje mahčymaść praviadzieńnia konkursaŭ na hetyja pasady. Akramia taho, źmienami ŭ zakon praduhledžvajecca skaračeńnie kolkaści členaŭ praŭleńnia i naziralnaha savieta dziaržaŭnych miedyja.
Z krytykaj novaha zakona vystupili ABSIE, Jeŭrapiejski viaščalny sajuz i Asacyjacyja žurnalistaŭ.
2 studzienia stała viadoma ab adstaŭcy kiraŭnikoŭ niekalkich polskich telekanałaŭ u znak pratestu suprać uzmacnieńnia kantrolu nad dziaržaŭnymi ŚMI.
