Novy epizod sieryjała «Šerłak», źniaty BBC One, sabraŭ najbolšuju teleaŭdytoryju ŭ Brytanii padčas navahodnich śviataŭ - 1 studzienia jaho pahladzieła bolš za 8 młn hledačoŭ. Heta 34,7% ad ahulnaj aŭdytoryi.
Apošni epizod sieryjała «Abactva Daŭntan» 25 śniežnia pahladzieła kala 6,6 młn hledačoŭ, paviedamlaje Bi-bi-si.
Śpiecyjalny epizod sieryjała «Šerłak» pad nazvaj «Pačvarnaja niaviesta» — asobny film, jaki vyjšaŭ pamiž trecim i čaćviortym siezonami sieryjała.
U joj Šerłak Chołms i doktar Vatsan, syhranyja Bieniedyktam Kambierbetčam i Marcinam Frymanam, častkova pieranosiacca ŭ časy «viktaryjanskaj Anhlii».
Raniej mierkavałasia, što 4-y siezon «Šerłaka» (padziei ŭ filmie razhortvajucca ŭ našyja dni) vyjdzie na ekrany ŭ 2016 h., ale ciapier premjera pieraniesiena na 2017 hod.
«Pačvarnuju niaviestu» pakazvaŭ u noč na 2 studzienia rasijski Pieršy kanał.
A zaŭtra-paślazaŭtra, 4-5 studzienia, adbudziecca premjera ŭ minskich kinateatrach. Novy epizod «Šerłaka» budzie demanstravacca ŭ «Centralnym», «Kijevie», a taksama ŭ «Silvier-skrynie» ŭ HC «Halilea» i «Arena-Sici».
