Try čałavieki zahinuli na pažarach u Hrodzienskaj vobłaści ŭ minułuju noč, paviedamili ŭ Hrodzienskim abłasnym upraŭleńni MNS.
A treciaj hadzinie nočy vidavočcy paviedamili ab pažary žyłoha doma na chutary Radzivoniški Lidskaha rajona
Da momantu prybyćcia ratavalnikaŭ budynak hareŭ adkrytym połymiem. Ahniom źniščany dach, paškodžanyja pierakryćci, ścieny i majomaść u domie. Pry ahladzie doma ratavalniki vyjavili trupy dvuch mužčyn — 1960 i 1989 h.n. Jak akazałasia, heta znajomyja syna haspadyni doma, jakija pražyvali tut ź jaho dazvołu. Sama haspadynia ŭ hetym momant haściavali ŭ syna ŭ susiedniaj vioscy. Pryčynaj pažaru, chutčej za ŭsio, stała nieaściarožnaje kureńnie.
Pryčyna pažaru ŭ vioscy Kopańki Hrodzienskaha rajona pakul vyśviatlajecca. Pra toje, što haryć susiedni dom, a pałovie na treciuju paviedamiła žycharka vioski. Pad frahmientami dachu ratavalniki vyjavili trup haspadyni, piensijanierki 1953 h. n
