Radaškovičy, fota z fejsbuka Cichana Čarniakieviča
Umovy nadvorja na terytoryi Biełarusi budzie vyznačać vobłaść panižanaha atmaśfiernaha cisku, sfarmiravanaja ŭ chałodnaj pavietranaj masie. Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak, 5 studzienia, miescami nievialiki śnieh. Na asobnych učastkach daroh hałalodzica. Tempieratura pavietra minimalnaja nočču -14 -20°S, pry prajaśnieńniach -21 -24°S; maksimalnaja dniom -8 -14°S, u asobnych rajonach -15 -17°S.
U sieradu, 6 studzienia, miescami nievialiki karotkačasovy śnieh. Na asobnych učastkach daroh hałalodzica. Tempieratura pavietra minimalnaja nočču -13 -20°S, pry prajaśnieńniach -21 -23°S, maksimalnaja dniom -8 -14°S, miescami da -17°S; pa poŭdni nočču -10 -12°S, dniom -5 -7°S.
Na pravasłaŭnyja Kalady, 7 studzienia, zachavajecca maroznaje nadvorje: pieravažna biez apadkaŭ, tolki pa poŭdni karotkačasovy śnieh. Na asobnych učastkach daroh hałalodzica. Tempieratura pavietra minimalnaja nočču -13 -20°S, pa poŭnačy miescami -21 -25°S, maksimalnaja dniom -10 -17°S; u paŭdniovych rajonach nočču -7 -12°S, dniom -4 -9°S.
U piatnicu, 8 studzienia, miescami karotkačasovy śnieh, na darohach hałalodzica. Tempieratura pavietra minimalnaja nočču -15 -21°S, pry prajaśnieńniach -22 -25°S, maksimalnaja dniom -6 -12°S, miescami da -15°S; pa paŭdniovym zachadzie budzie trochi ciaplej: nočču -10 -14°S, dniom -3 -5°S.
Pačynajučy z suboty z Zachodniaj Jeŭropy pačnie pastupać bolš ciopłaje pavietra i marazy pačnuć słabieć.
U subotu, 9 studzienia, miescami karotkačasovy śnieh, na darohach hałalodzica. Tempieratura pavietra minimalnaja nočču -8 -15°S, pa paŭnočnym uschodzie -16 -20°S, maksimalnaja dniom -3 -10°S; pa paŭdniovym zachadzie nočču -3 -7°S, dniom kala 0°C.
U niadzielu, 10 studzienia, miescami karotkačasovy śnieh, na darohach hałalodzica. Tempieratura pavietra minimalnaja nočču -3 -10°S, pry prajaśnieńniach da -15°S; maksimalnaja dniom 0 -7°S.
