Reuters.com
Polšča pavinna pavialičyć amal udvaja kolkaść svaich uzbrojenych siłaŭ, kab supraćstajać vajennym pahrozam. Pra heta zajaviŭ u intervju časopisu Polska Zbrojna ministr abarony krainy Antonij Maciarevič.
Kiraŭnik Minabarony nahadaŭ pra isnavańnie rezalucyi Siejma ad 1791, jakaja dazvalaje pavialičyć kolkaść armii da 100 tysiač čałaviek, i adznačyŭ, što zaraz hety pakazčyk nie pieravyšaje 80 tysiač. «Bolš za 200 hadoŭ u nas niama 100 tys. armii. Dumaju, što ŭ kančatkovym vyniku kolkaść polskaha vojska pavinna składać 150 tysiač sałdat. Heta toj minimum, jaki nieabchodny dla procidziejańnia vajennym pahrozam», — skazaŭ ministr.
U 2016 hodzie, pa słovach Maciareviča, Minabarony Polščy płanuje stvaryć try novyja bryhady terytaryjalnaj abarony na ŭschodniaj miažy i raźmiaścić tam ža isnujučyja złučeńni.
«My nie chočam, kab vojska była skancentravana na zachodniaj miažy, jak u 1989 hodzie», — padkreśliŭ jon.