president.gov.by
Na praciahu troch hadoŭ pavinna być kančatkova stvorana sistema abarony i padtrymki pažyłych ludziej.
Pra heta Alaksandr Łukašenka zajaviŭ siońnia ŭ chodzie naviedvańnia haradskoha doma-internata dla vieteranaŭ vajny i pracy «Śvitanak» u pasiołku Traskaŭščyna Minskaha rajona.
«My hetuju sistemu ŭžo namacali, navošta raściahvać na piać hadoŭ, treba vyznačycca ciaham troch hadoŭ», — zapatrabavaŭ kiraŭnik dziaržavy.
Łukašenka padkreśliŭ, što žyćciovyja situacyi ŭ ludziej byvajuć roznyja.
«Da prykładu, my havorym pra renty. Jość tam staryja, jakich nichto nie hladzić, niezaležna ad najaŭnaści dziaciej. Jość dzieci, niama dziaciej — ich nichto nie hladzić. Naša zadača — hetych starych zabiaśpiečyć. Bo čałaviek pavinien pravieści svaju staraść jak maje być. Treba, kab staryja žyli ŭ narmalnych umovach, — skazaŭ Alaksandr Łukašenka. — U niekatorych jość dzieci, ale staryja sychodziać da nas, my ich biarem na absłuhoŭvańnie. U niekatorych zastałasia ŭłasnaść, u asnoŭnym kvatery. Da prykładu, čałaviek addaje kvateru dzieciam ci kamu inšamu, kali niama dziaciej».
«My pavinny zabirać starych, ź ich zhody zabirajem ŭłasnaść i pieradajem ŭ rasparadžeńnie dziaržavy», — skazaŭ Alaksandr Łukašenka. Pry hetym jon vykazaŭ mierkavańnie, što treba pravieści adpaviednuju reviziju.
Bo jość situacyi, kali staryja znachodziacca ŭ damach-internatach, a svaju kvateru kamuści addali. Jość i vypadki z tak zvanymi čornymi ryełtarami. «Hetych čornych ryełtaraŭ treba adpravić kudy treba, na dziaržzabieśpiačeńnie, tolki ź inšymi formami ŭtrymańnia», — ličyć Alaksandr Łukašenka.
Pavodle jaho słoŭ, «chapaje niahodnikaŭ, jakija kidajuć svaich baćkoŭ, nie hladziać ich».
«A jość i takija, jakija nie toje što starych nie hladziać, siabie nie hladziać. Pry hetym kvatery ŭ baćkoŭ, jakija znachodziacca ŭ damach-internatach, užo zabrali, a moža i prapili, pierapradali», — zaŭvažyŭ Alaksandr Łukašenka.
Łukašenka zapatrabavaŭ navieści naležny paradak u hetym pytańni, a taksama vyjavić vypadki, kali kvatery ŭ pažyłych ludziej faktyčna adabrali. Pry hetym Alaksandr Łukašenka padkreśliŭ, što nieabchodna dakładna vyznačyć schiemu — jak ŭtrymlivać starych, jakija ŭ hetym majuć patrebu, na vioscy i ŭ horadzie, i chto budzie hetym zajmacca — dziaržava, pryvatniki.
