Harysan Ford staŭ samym kasavym akcioram u historyi kino.
inforum.com
Filmy ź jaho ŭdziełam na siońniašni dzień zarabili 4,7 miljarda dalaraŭ. Na pieršaje miesca Forda vyvieŭ praciah kinasahi «Zornyja vojny» — «Abudžeńnie siły».
Da niadaŭniaha času śpis samych kasavych akcioraŭ uznačalvaŭ Semiueł Ł.Džeksan z 4,6 miljardami dalaraŭ. U liku lidaraŭ taksama Tom Chenks, Morhan Fryman i inšyja halivudskija zorki. U top-20 uvachodzić tolki adna žančyna — Kemieran Dyjas.
Uličvajučy, što prakat «Abudžeńnia siły» praciahvajecca, možna sprahnazavać, što adryŭ Charysana Forda ad kankurentaŭ pavialičycca. Imavierna, akcior stanie pieršym, chto pieraadoleje płanku ŭ 5 miljardaŭ dalaraŭ.
Cikava, što ŭ Harysana Forda biełaruskija karani. Jon sam raspavioŭ pra heta: «Maje babula i dziadula byli ź Minska».
