Prezident Rasii Uładzimir Pucin u intervju niamieckamu vydańniu Bild raspavioŭ, što padčas padziej u Krymie, jakija pryviali da ŭvachodžańnia rehijona ŭ skład Rasii, nie zahinuŭ nivodzin čałaviek.
Pa słovach Pucina, rasijski bok u Krymie «nie vajavaŭ, nie akupavaŭ nikoha, nidzie nie stralaŭ». «Nivodny čałaviek nie zahinuŭ u vyniku padziej u Krymie. Nivodny!» — padkreśliŭ prezident RF.
Raniej było viadoma ab niekalkich zahinułych u vyniku chvalavańniaŭ u Krymie. Dva čałavieki zahinuli i bolš za 30 atrymali ranieńni padčas sutyknieńniaŭ na mitynhu krymskich tataraŭ u Simfieropali 26 luty 2014 h.. Jašče dva čałavieki - ukrainski vajskoviec i člen sił samaabarony Kryma — zahinuli ŭ Simfieropali ad ahniastrelnych ranieńniaŭ 18 sakavika 2014 u dzień uvachodžańnia paŭvostrava ŭ skład RF.
U intervju vydańniu Bild Pucin padkreśliŭ, što nie bačyć parušeńniaŭ mižnarodnaha prava ŭ situacyi z Krymam.