Kamandavańnie śpiecyjalnych apieracyj VMS ZŠA vyrašyła pastavić na ŭzbrajeńnie pistalety Glock 19 zamiest SIG P226, paviedamili ŭ kancy minułaha hoda błohi, pryśviečanyja strałkovaj zbroi.
Glock 19, fota gannett-cdn.com
Pistalety Glock raspracavanyja i vypuskajucca aŭstryjskaj adnajmiennaj kampanijaj, P226 — stvareńnie firmy SIG Sauer GmbH, jakaja maje štab-kvateru ŭ ZŠA, ale naležyć šviejcarskaj SAN Swiss Arms AG.
Amierykanski śpiecnazaviec VMS z SIG P226, fota gannett-cdn.com
Adznačajecca, što SIG P226 nie majuć nijakich minusaŭ, adnak jany stajali na ŭzbrajeńni kala 30 hod i prosta maralna sastareli. Glock 19 kalibru 9 mm majuć lepšy dyzajn, mienšyja pa pamierach i pa vazie, bo ŭ kanstrukcyi vykarystany płastyk.
Raniej na karyść Glock 19 vykazałasia i Kamandavańnie śpiecyjalnych apieracyj Korpusa Marskoj piachoty ZŠA.
Glock 19 maje rulu daŭžynioj u 102 mm i mienšy pa pamierach, čym aryhinalnaja madel Glock 17. Adnak pry hetym pistalet moža vykarystoŭvać mahaziny na 10, 15, 17 i 33 patrony.