Jak paviedamlaje słuckaja hazieta «Infa-Kurjer», ranicaj 8 studzienia ŭ słucki RAŬS źviarnulisia supracoŭniki ŽKH z paviedamleńniem pra vykradzienaha Dzieda Maroza.
Jak było. Fota Alesia Dastanki
Jak stała. Fota Viktoryi Kapskaj
Dzied Maroz stajaŭ u samym centry horada. Praz darohu ad jaho — słucki rajvykankam. Pa viersii supracoŭnikaŭ milicyi, Dzieda Maroza vyvieźli metanakiravana. Imavierna, jon byŭ zahružany ŭ aŭtamabil. Sama fihura była nie pryvaranaja, tamu kradziež adbyŭsia adnosna chutka.
Pavodle infarmacyi milicyi, ahulnaja škoda ad kradziažu aceńvajecca na sumu ŭ 12 młn rubloŭ. Skulpturnaja kampazicyja nie nabytaja, a zroblenaja supracoŭnikami słuckaha ŽKH samastojna i źjaŭlajecca ekskluziŭnaj pracaj.
U kamientarach da naviny na sajcie «Infa-Kurjer» čytač pad nikam «Vania 29» napisaŭ: «Chłopcy, pahavarycie ŭ siemjach, sa znajomymi, siabrami, moža chto što bačyŭ. Asabista dam 2 młn rubloŭ za infarmacyju pra hetych vyradkaŭ, chto kradzie dziacinstva ŭ našych dziaciej».
