Tadžykskija deputaty adnahałosna pryniali prapanavanyja ŭradam krainy papraŭki, jakija rehulujuć praceduru vybaru imionaŭ dla novanarodžanych.
Deputaty zaklikali hramadzian krainy davać imiony dzieciam u adpaviednaści z tradycyjami i normami tadžykskaha naroda, i ścierahčysia ŭsiaho, jak skazana, «čužarodnaha, jakoje nie adpaviadaje tadžykskaj kultury».
Jany taksama zaklikali hramadzian admovicca ad uźbiekskich i arabskich prystavak da imionaŭ, takich jak chodžy, kuł i damuła.
Akramia taho, ministr justycyi Tadžykistana Rustam Šachmurod udakładniŭ, što zhodna z pryniatym papraŭkami, novanarodžanym zabaraniajecca davać imiony, jakija mahli b prynizić honar i hodnaść čałavieka. U pryvatnaści, havorka idzie pra imiony, jakija ŭ pierakładzie hučać jak kamień (Sanh), siakiera (Tavarali), voŭk (Hurh).
Taksama zabaroniena vykarystoŭvać u aficyjnaj dakumientacyi psieŭdanimy.
Kamitetu pa movie i terminałohii pry ŭradzie i akademii navuk daručana stvaryć rejestr tadžykskich imionaŭ, abaviazkovych pry naračeńni novanarodžanych pradstaŭnikoŭ tytulnaj nacyi.
Padkreślivajecca, što hramadzianam krainy, jakija nie źjaŭlajucca etničnymi tadžykami, u vyhladzie vyklučeńnia dazvolena vybirać imiony dla dziaciej zhodna sa svajoj kulturaj.