«Łabaratoryja Kaśpierskaha» vypuściła svoj pieršy biaspłatny antyvirus. Jon dastupny dla chatnich karystalnikaŭ Windows, spampavać antyvirus možna na sajcie kampanii.
Antyvirus atrymaŭ nazvu Kaspersky Free. Jon moža abaranić kampjutary ad ustanoŭki škodnaha prahramnaha zabieśpiačeńnia, a taksama infarmavać ab niebiaśpiečnych sajtach. Ad płatnaj viersii Kaspersky Anti-Viru adroźnivajecca šeraham funkcyj. Siarod ich abarona ad prahram-vymahalnikaŭ, pravierka padazronych fajłaŭ praz «vobłačnyja» servisy i dadatkovaja abarona elektronnych płaciažoŭ, parolaŭ i inšaj kanfidencyjnaj infarmacyi.
Zasnavalnik kampanii Jaŭhien Kaśpierski anansavaŭ vychad biaspłatnaha antyvirusa 1 krasavika 2015 hoda ŭ svaim błohu. Paśla hetaha biaspłatny servis prajšoŭ trochmiesiačnaje testavańnie, za hety čas antyvirusam skarystalisia 200 tysiač čałaviek. Pry hetym padzieńnia prodažaŭ płatnaj viersii antyvirusa ŭ kampanii nie zaŭvažyli.
Dr.Web taksama vypuskała biaspłatnuju viersiju antyvirusa paśla vychadu płatnaj viersii dla Android.
