U vyniku vybuchu pobač z palicejskim učastkam tureckaha horada Dyjarbakyr, pavodle ŭdakładnienych źviestak, zahinuli nie mienš za piać čałaviek. Raniej paviedamlałasia ab dvuch zahinułych.
Pa dadzienych miascovych ŚMI, kolkaść paranienych taksama apynułasia vyšejšaj, čym paviedamlałasia pieršapačatkova. Pa apošnich dadzienych, paciarpieli jak minimum 36 čałaviek, u toj čas jak raniej paviedamlałasia pra 22.
Siarod zahinułych u vyniku vybuchu apynułasia žančyna z maleńkim dziciem. Infarmacyi ab inšych achviarach pakul niama.
Vybuch byŭ nastolki mahutnym, što paškodziŭ i susiednija budynki. Miarkujecca, što była načynienaja vybuchoŭkaj mašyna.
Heta ŭžo druhi za apošnija dni vybuch u Turcyi. Ranicaj 12 studzienia śmiarotnik pryvioŭ u dziejańnie vybuchovaje prystasavańnie na płoščy Sułtanachmiet ŭ centry Stambuła. U vyniku zahinuli dziesiać čałaviek.
