NY Times
Vyjhryš łatarei Powerball u 1,6 miljarda dalaraŭ padzielać pamiž tryma pieramožcami, jakija nabyli kvitki ŭ štatach Tenesi, Kalifornija i Fłaryda. Pra heta paviedamlaje Reuters.
Imiony ščaśliŭčykaŭ pakul nie nazvali.
Suma ŭ 1,6 miljarda dalaraŭ źjaŭlajecca samym vialikim pryzam u historyi łatarej Paŭnočnaj Amieryki. Šancy sarvać džekpot składali 1 da 292 miljonaŭ. Kali b nivodny z pradadzienych biletaŭ nie byŭ vyjhryšnym, suma pryzavych pavialičyłasia b da dvuch miljardaŭ.
Vyjhryš možna albo atrymlivać pa častkach (1,6 miljarda roŭnymi vypłatami na praciahu 29 hadoŭ), albo ŭziać usiu sumu całkam, adnak pry takim varyjancie pamier pryza budzie pamienšany (u dadzienym vypadku vynikovaja suma składzie 983,5 młn dalaraŭ).
Z takich bujnych vyjhryšaŭ pieramožcu, kali jon hramadzianin abo rezident ZŠA i maje numar sacyjalnaha strachavańnia, pryjdziecca zapłacić u kaznu padatak u pamiery 25% (dla zamiežnikaŭ 30 adsotkaŭ). Potym treba budzie jašče addać dziaržavie amal 15% u vyhladzie padatku na prybytak.
