Maskva vyrašyła admianić častku ekanamičnych sankcyj u dačynieńni da Turcyi, kab paśpiachova zaviaršyć budaŭnictva abjektaŭ da Čempijanatu śvietu pa futbole ŭ 2018 hodzie. Źmiakčeńnie sankcyj zakranie kala 30 kampanij, abjom vykonvajemych rabot jakich składzie 60 miljardaŭ rubloŭ.
Jak paviedamlaje «RIEN TV», abmiežavańni źmiakčać dla budaŭničych kampanij z Turcyi, jakija buduć hatovyja stvaryć sumiesnyja pradpryjemstvy z rasijskimi partniorami. Pry hetym u takich pradpryjemstvach pad kantrolem rasiejcaŭ pavinny akazacca 75% i jašče adna akcyja. Takim čynam rasiejskija ŭłady źbirajucca vyklučyć ryzyku nie dabudavać u čas usie abjekty ČS-2018.
Abjom rasijska-tureckich inviestycyj da ŭviadzieńnia sankcyj dasiahaŭ 2-2,5 młrd dalaraŭ u hod, ź jakich vialikaja častka jak raz prychodziłasia na budaŭničuju halinu i vytvorčaść budmateryjałaŭ, paviedamiŭ «Kommiersantu» analityk Kirył Jakavienka.
Pry hetym ekśpiert adznačyŭ, što ŭviadzieńnie rasijskimi čynoŭnikami palohki ŭ dačynieńni da tureckaha biznesu — śledstva ciažkaj ekanamičnaj situacyi ŭ krainie. «U šerahu rehijonaŭ kampanii, čyje štab-kvatery znachodziacca ŭ Turcyi ci zasnavanyja hramadzianami hetaj krainy, źjaŭlajucca najbujniejšymi pracadaŭcami», — dadaŭ Jakavienka.
Napiaredadni kiraŭnik Minenierha Alaksandr Novak taksama dapuściŭ viartańnie da budaŭnictva hazapravoda pa dnie Čornaha mora «Turecki patok».
