Śpiecyjalizavany rybny kirmaš projdzie kala Minskaha ladovaha Pałaca sportu 23-24 studzienia z 9.00 da 16.00. Ab hetym paviedamiła pres-sakratar hałoŭnaha ŭpraŭleńnia spažyvieckaha rynku Minharvykankama Nastaśsia Prymaka.
Rybhasy pa canie vytvorcy prapanujuć pakupnikam šyroki asartymient žyvoj sažałkavaj i pierapracavanaj ryby (karp, karaś, taŭstałobik, bieły amur, ščupak, farel, asiatrovyja, marynavanaja, marožanaja, vendžanaja, vialenaja pradukcyja). Na kirmašy možna budzie nie tolki kupić rybu i pradukcyju ź jaje, ale i pakaštavać haračuju jušku.
Anałahičnyja mierapryjemstvy ŭ studzieni-sakaviku projduć u Leninskim, Maskoŭskim, Pieršamajskim, Kastryčnickim i Centralnym rajonach stalicy. Prodaž ryby 30 studzienia arhanizujuć na placoŭcy kala kinateatra «Salut» (prasp. Rakasoŭskaha, 150a); 6 lutaha — pa adrasie prasp. haziety «Pravda», 40; 20 lutaha — pa vuł. Rusijanava, 1; 27-28 lutaha — pa vuł. Baramzinoj, 10a; 12 sakavika — pa Staravilenskim trakcie, 26.
