Suśvietnaja arhanizacyja achovy zdaroŭja sklikaje ekstrannaje pasiadžeńnie ŭ suviazi z raspaŭsiudžvańniem virusa Zika.
U chodzie ekstrannaha pasiadžeńnia ekśpierty pavinny acanić uzrovień mižnarodnaj pahrozy i pryniać rašeńnie ab nieabchodnaści abviaščeńnia hłabalnaj niebiaśpieki ŭ suviazi z raspaŭsiudžańniem virusa.
Hienieralny dyrektar SAAZ Marharet Čan zajaviła, što virus Zika pieratvaryŭsia z małaniebiaśpiečnaha zachvorvańnia ŭ surjoznuju pahrozu zdaroŭju nasielnictva Łacinskaj Amieryki i susiednich rehijonaŭ. Pa słovach Marharet Čan, uzrovień niebiaśpieki nadzvyčaj vysoki. Pavodle acenak SAAZ, zachvorvańnie moža parazić ad 3 da 4 młn čałaviek u Paŭdniovaj, Centralnaj i Paŭnočnaj Amierycy.
Z-za raspaŭsiudžvańnia virusa ŭ Brazilii tysiačy niemaŭlataŭ naradzilisia z anamalna maleńkaha pamieru mozham.
Pieršyja vypadki zachvorvańnia byli zarehistravanyja ŭ Brazilii ŭ mai 2015 hoda. Pavodle acenak SAAZ, na dadzieny momant u krainie infikavanyja kala 1,5 młn čałaviek.
