Pra heta jon zajaviŭ siońnia na kalehii MUS pa vynikach pracy orhanaŭ unutranych spraŭ za 2015.
«Voś tut ja pracu milicyi nie vielmi baču, - adznačyŭ kiraŭnik dziaržavy. — Čamu? Tamu što bjacie pa drobiaziach, znachodzicie i karajecie strełačnikaŭ».
«A voś bačycie vy ŭsio. Naša milicyja bačyć i viedaje ŭsio, što adbyvajecca ŭ hramadstvie. Ale niekatoryja maŭčać, niekatoryja sami prykryvajuć działkoŭ i, mała taho, jašče i ŭdzielničajuć u hetych schiemach. Niachaj pyšna nie kvitniejuć karupcyja i złačynstvy ŭ šerahach MUS, ale, tym nie mienš, heta jość. Voś heta mianie bolš za ŭsio naściarožvaje», - skazaŭ jon.
«Viadoma, vami vyjaŭlajecca bolš za 70% ad ahulnaj kolkaści ŭličanych karupcyjnych złačynstvaŭ. Ale heta samy nizki ŭzrovień. Kaardynacyja hetaj pracy ŭ sistemie ministerstva, vynikovaść vyjaŭleńnia składanych karupcyjnych schiem i pahadnieńniaŭ pakul niedastatkovyja», - ličyć kiraŭnik dziaržavy.
«Ja nie pamiataju bujnych spraŭ i ŭ śfiery ekanomiki z boku milicyi», - dadaŭ Alaksandr Łukašenka.
Pry hetym jon nahadaŭ, što mienavita MUS źjaŭlajecca asnoŭnym orhanam, jakija realizujuć dziaržaŭnuju palityku ŭ halinie zabieśpiačeńnia abarony pravoŭ hramadzian i dziaržavy ad złačynnych zamachaŭ karupcyjnaha i ekanamičnaha charaktaru.
