Alaksandr Łukašenka siońnia na kalehii MUS pakrytykavaŭ Dziaržaŭtainśpiekcyju za niepatrebnaje navatarstva i papiaredziŭ ab pravierkach na pradmiet vyjaŭleńnia patencyjalnych chabarnikaŭ.
«Hramadskaść vidavočna niehatyŭna aceńvaje asobnyja novaŭviadzieńni. U pryvatnaści, biespadstaŭnaje pieraharodžvańnie aŭtadaroh znakami ramontu dla praviadzieńnia pad hetym vyhladam niejkich pravierak», — adznačyŭ jon.
«Stvaryli zator, ludzi niezadavolenyja. Znajdzicie inšyja mietady. Nie stvarajcie lišnich prablem», — prakamientavaŭ Łukašenka.
Kiraŭnik dziaržavy taksama padkreśliŭ, što rabotniki Dziaržaŭtainśpiekcyi štodzień pa abaviazku słužby kantaktujuć z hramadzianami i ŭ mnohim pa ich rabocie miarkujuć ab rabocie pravaachoŭnych orhanaŭ u cełym. Tamu maralnaje abličča i niepadkupnaść DAI nie pavinny vyklikać sumnieńniaŭ.
Jon padkreśliŭ, što nie ličyć pravakavańniem, kali rabotnika Dziaržaŭtainśpiekcyi naŭmysna praviarajuć na pradmiet hatoŭnaści brać chabar. «Nijakaha pravakavańnia. Heta my budziem rabić. Nie biareš — nie biary naohuł. Asobnyja hetyja fakty my pavinny vykaranić», — skazaŭ kiraŭnik dziaržavy.
