U Maskvie 12 čałaviek zahinuli pa pažary ŭ budynku šviejnaha cechu. Pa viersii rasijskaj palicyi, pryčynaj zdareńnia staŭ padpał: raspačataja kryminalnaja sprava pa fakcie naŭmysnaha źniščeńnia majomaści, jakoje paciahnuła pa nieaściarožnaści śmierć ludziej. Jość taksama viersija, što pažar pačaŭsia z-za niapravilnaha vykarystańnia elektraabstalavańnia ci nieaściarožnaha abychodžańnia z ahniom.
Pažar pačaŭsia ŭviečary 30 studzienia i byŭ likvidavany ŭ 0.55 pa maskoŭskim časie. Pad zavałami znajšli cieły dzieviaci čałaviek «niesłavianskaj źniešnaści». Paźniej znajšli jašče dvuch zahinułych darosłych i niemaŭla, paviedamlajuć rasijskija ŚMI.
Miarkujecca, što ŭsie zahinułyja pracavali na šviejnym pradpryjemstvie, jakoje zajmałasia vyrabam paścieli.
