Surok Fił z horada Panksatoni, štat Piensilvanija, pradkazaŭ rańniuju viasnu. Na štohadovaj cyrymonii pradkazańni terminu zakančeńnia zimy surok vypaŭz z nary i nie ŭbačyŭ svajho cieniu.
U advarotnym vypadku zima, zhodna z pradkazańniem Fiła, praciahvałasia b jašče šeść tydniaŭ, paviedamlaje meduza.io
Tradycyja pradkazvać nadvorje 2 lutaha pa pavodzinach surka isnuje ŭ Panksatoni 130 hadoŭ. Dziakujučy filmu «Dzień surka» ź Biłam Miurejem u hałoŭnaj roli tradycyja stała viadomaja pa ŭsim śviecie.
***
Što da Biełarusi, to zhodna z kalendarom, siońnia — katalickija Hramnicy.
Narodnyja prykmiety takija: «Jak na Hramnicy pievień napjecca vadzicy, dyk na Jurja [23 krasavika, ci 6 maja] voł najesca travicy» (kali siońnia adliha, to i viasna budzie rańniaj),
«Jak na Hrymnicy adliha, z uradžaju budzie chviha» (viasna budzie rańniaja, a jana nie spryjaje dobramu ŭradžaju, bo rana vysychaje ziamla). Siońnia ŭ Minsku było da plus piaci.
