Pa vynikach hałasavańnia žury (Andryj Daniłka, Rusłana i Kanstancin Mieładze) i telehledačoŭ śpiavačka zaniała pieršaje miesca. Žury i hledačy, jakija hałasavali ŭ internecie i pry dapamozie telefanavańniaŭ i sms-paviedamleńniaŭ, pastavili śpiavačcy najvyšejšyja bały — pa 9.
«Dziakuj vam! Diakuju! Vi najkraŝi», — napisała śpiavačka ŭ sacsietcy paśla abviaščeńnia vynikaŭ hałasavańnia.
Aproč taho, za prava pradstaŭlać Ukrainu na mižnarodnym konkursie ŭ finale nacyjanalnaha adboru buduć taksama zmahacca The Hardkiss, Brunettes shoot Blondes, jakija ŭ pieršym paŭfinale zaniali 2-je i 3-je miescy.
Druhi paŭfinał projdzie 13 lutaha. Finał — 21 lutaha.
Pra historyju stvareńnia kampazicyi Džamała raspaviała na svajoj staroncy ŭ Facebook.
«U minułym hodzie ja skłała «1944», znakavuju dla mianie kampazicyju. Na jaje napisańnie mianie natchniŭ apovied majoj prababuli Nazył-chan ab trahiedyi, jakaja adbyłasia z našaj siamjoj i z usim krymskatatarskim narodam u 1944-m. Ja kažu pra hvałtoŭnuju departacyju. Maja prababula zhubiła tady adnu sa svaich dačok.
Na samaj spravie, tema hetaj pieśni blizkaja vielmi šmatlikim ludziam u samych roznych krainach śvietu. Vielmi mnohija narody pieražyli svaje žudasnyja trahiedyi — represii, departacyi i hienacyd. I, na žal, ludzi da hetaha času nie navučylisia mirnamu suisnavańniu i talerantnaści.
Dla mianie heta vielmi asabistaja pieśnia, i mnie b vielmi chaciełasia, kab mesedž, jaki ŭ joj jość, pačuli jak maha bolš ludziej i ŭ našaj krainie, i pa-za jaje miežami», - napisała śpiavačka.
Prykładny tekst pieśni pa-biełarusku:
Kali prychodziać nieznajomcy…
Jany prychodziać u tvoj dom,
Jany zabivajuć vas usich i kažuć
«My nie vinavatyja …, nievinavatyja»
Dzie vaš rozum?
čałaviectva płača
Vy dumajecie, što vy bohi,
ale ŭsie pamirajuć,
nie hłytajcie maju dušu
našy dušy.
Ja nie mahła pravieści svaju maładość tam,
bo vy zabrali moj śviet
My mahli b pabudavać budučyniu
Dzie ludzi svabodna žyvuć i lubiać
Ščaślivyja časy..
Dzie vašyja sercy?
Čałaviectva, kvitniej
Vy dumajecie, vy bohi
Ale ludzi pamirajuć
Nie hłytajcie maju dušu
našy dušy
Ja nie mahła pravieści svaju maładość tam,
bo vy zabrali moj śviet
