Hałoŭnaje ŭ pracy pravaachoŭnych orhanaŭ nie statystyka, a reakcyja nasielnictva, zajaviŭ kiraŭnik dziaržavy 11 lutaha na pašyranym pasiadžeńni kalehii Śledčaha kamiteta (SK).»Nam nie patrebnaja pakazucha», — cytuje Łukašenku jaho pres-słužba.
Statystyka adlustroŭvaje vynik dziejnaści pravaachoŭnikaŭ i moža słužyć dla analizu jaje efiektyŭnaści, ale hałoŭnaje — heta reakcyja nasielnictva, padkreśliŭ jon.
Łukašenka zaklikaŭ milicyju i inšyja siłavyja struktury «być narodnymi ludźmi» i zapatrabavaŭ ad ich rabić usio nieabchodnaje dla pavyšeńnia imidžu ŭ nasielnictva, dakazvajučy, što jany nosiać pahony dla achovy ludziej.
Anałahičnyja zakliki kiraŭnik dziaržavy vykazaŭ dva tydni tamu. «Vy pavinny rabić usio, kab spadabacca čałavieku svaimi dziejańniami. <…> Vy dla našych hramadzian — samyja blizkija pradstaŭniki zakonu, ŭvasablajecie dla ich spraviadlivaść i biaśpieku», — skazaŭ jon na kalehii MUS 28 studzienia.
