Stali viadomyja imiony novych viadučych papularnaj prahramy Bi-bi-si Top Gear. Imi stanuć brytanski kamientatar «Formuły-1», a taksama zasnavalnik i były ŭładalnik honačnaj kamandy «Džordan» Edzi Džordan, niamieckaja honščyca Sabina Šmic, žurnalist Krys Charys i televiadučy Rory Ryd.
Prahramu jany buduć vieści razam z amierykanskim akcioram, zorkaj sieryjała «Siabry» Metam Lebłanam, pra ŭdzieł jakoha ŭ prajekcie stała viadoma niekalki dzion tamu, a taksama viadomym brytanskim tele- i radyjoviadučym Krysam Evansam, jaki ahučyŭ poŭny skład viadučych u čaćvier u efiry radyjo Bi-bi-si.
Novyja viadučyja zamieniać Džeremi Kłarksana, Ryčarda Chamanda i Džejmsa Meja. Kłarksan byŭ adchileny ad pracy ŭ sakaviku minułaha hoda praz skandał vakoł bojki z pradziusaram prahramy. Chamand i Mej abviaścili pra sychod z šoŭ razam z Kłarksanam; paśla ŭsie troje padpisali kantrakt ź videaservisam Amazon Prime.
Novyja vypuski prahramy Top Gear vyjduć u efir u mai. Prahrama maje aŭdytoryju ŭ 350 młn telehledačoŭ pa ŭsim śviecie, prynosiačy Bi-bi-si dachod u pamiery 50 młn funtaŭ (73 młn dalaraŭ) u hod tolki ad prodažaŭ pravoŭ na pakaz pieradačy za miažoj.
