Jašče dumaješ, kudy pajści 14 lutaha? Admysłova da Dnia zakachanych Kinakonh ładzić biełaruski kinaprahlad.
Film «Vohnietryvały» raspaviadzie, što takoje sapraŭdnaje kachańnie i jak zachavać stasunki, kali kachańnie źnikła.
Pakaz adbudziecca 14 lutaha ŭ 18:00 u BK IMAGURU na Fabrycyusa, 4, (st.m. «Instytut Kultury»).
Uvachod volny!
Kapitan pažarnaj słužby Kaleb Cholt — sapraŭdny hieroj, jaki ratuje žyćci ludziej, biasstrašna ŭvachodzić u pałajučyja budynki i zaŭsiody kłapocicca ab svaich naparnikach. Tym časam jaho žonka, Ketryn, pačuvajecca pakinutaj i ličyć, što jana adna ciahnie na sabie ŭsie damašnija kłopaty, pracu i dapamohu baćkam. Paśla šerahu svarak jana padaje na razvod.
Razvod padajecca vyrašanaj spravaj, adnak baćka Kaleba daje jamu dziońnik z nazvaj «Vyklik kachańnia» i prosić vykonvać toje, što tam napisana, na praciahu 40 dzion. Kaleb ź nieachvotaj zhadžajecca…
Ci dapamoža hety zahadkavy dziońnik vyratavać šlub? Ci prymie Kaleb toj vyklik, jaki staić pierad im?