Bresckija panki «Daj Darohu!» upieršyniu ŭ historyi hurta zapisali pieśniu na biełaruskaj movie! Kampazicyja atrymała nazvu «Nie vieru». Lidar «Daj Darohu!» Juryj Stylski kaža, što narešcie saśpieŭ da takoha pavarotu, tym bolš, što hetaha ad jaho daŭno čakali.
«Niejak mianie prabiła. Mahčyma, tamu, što ja nahladzieŭsia roznych dakumientalnych rolikaŭ na Youtube, natchniŭsia i vyrašyŭ skazać praŭdu. Heta pieśnia pra adčuvańni i pieražyvańni biełarusaŭ, a taksama vynik pieražytaha, — raspaviadaje Stylski. — Možna skazać, što mnie było pryjemna pracavać z movaj: karani jość karani. Da taho ž, ja adkryŭ dla siabie novy bukvar. Tamu, mahčyma, heta budzie nie adzinaja naša pieśnia pa-biełarusku», — intryhuje lidar «Daj darohu!».
Pieśnia «Nie vieru» tradycyjna była zapisanaja na chatniaj studyi Stylskaha. Na nastupnym tydni jana źjavicca ŭ internecie, a jaje kancertnaja prezientacyja adbudziecca padčas štohadovaj muzyčnaj premii «Dajom rady», dzie 27 lutaha aproč «Daj Darohu!» vystupiać :B:N:, Dzieciuki i Neuro Dubel, a Jeŭraradyjo padviadzie muzyčnyja vyniki 2015 hoda.
Kvitki možna nabyć u kasach Minska, a taksama na sajcie Kvitki.by.
Čytajcie taksama: Lidar «Daj darohu!» Juryj Stylski: jak zastavacca zaŭždy maładym INTERVJU
