Hulnia Leo's Red Carpet Rampage stvoranaja nievialikaj niezaležnaj studyjaj. Jana zaklikaje internaŭtaŭ dapamahčy Leanarda Dzi Kaprya atrymać zapavietny «Oskar». Hulnia, jakaja ŭjaŭlaje saboj arkadu, stylizavanaja pad staryja vaśmibitnyja hulni epochi NES.
Karystalniki internetu ŭžo paśpieli acanić vialikuju kolkaść žartaŭ nad kinaindustryjaj, pradstaŭlenych u hulni.
Hulec pavinien dapamahčy Dzi Kaprya pieraadoleć pieraškody z ajśbierhaŭ, jakija nahadvajuć, što papularnaść akcior atrymaŭ dziakujučy filmu «Tytanik». Taksama akcior pavinien raźminucca z paparacy i Łedzi Hahaj (nahadajem, padčas cyrymonii ŭručeńnia «Załatoha hłobusa» hledačoŭ ździviła reakcyja Dzi Kaprya na aktrysu, kali taja vypadkova začapiła jaho pry vychadzie na scenu) i abahnać na čyrvonaj dyvanovaj darožcy svaich hałoŭnych kankurentaŭ Majkła Fasbendera i Edzi Redmejna.
Stvaralniki vyrašyli nie pakidać pa-za ŭvahaj i niadaŭni kanflikt, źviazany z dyskryminacyjaj ciemnaskurych akcioraŭ na premii «Oskar». Hulcam budzie prapanavana znajści ŭ natoŭpie afraamierykanca.
Nahadajem, Leanarda Dzi Kaprya za svaju karjeru byŭ naminavany na «Oskar» piać razoŭ, adnak ni razu nie staŭ uładalnikam prestyžnaj uznaharody. 88-ja cyrymonija ŭručeńnia premii «Oskar» projdzie 28 lutaha ŭ Łos-Andželesie.
