Polski kinarežysior Andžej Žułaŭski, viadomy pa filmach «Hałoŭnaje — kachać» i «Apantanaja», pamior ad raku va ŭzroście 75 hadoŭ, paviedamlaje Asacyjacyja kiniematahrafistaŭ Polščy.
cinephilia.fr
Da najbolš vybitnych filmaŭ Žułaŭskaha naležać volnaja ekranizacyja ramana «Idyjot» Fiodara Dastajeŭskaha pad nazvaj «Šalnoje kachańnie» (1985) i film-opiera «Barys Hadunoŭ» (1989).
U mnohich filmach Žułaŭskaha hałoŭnuju rolu vykanała francuzskaja aktrysa Safi Marso, jakaja była jaho žonkaj z 1984 pa 2001 hod.
Marso i Žułaŭski ŭ Kanach, 1985 hod
U stužkach Žułaŭskaha taksama zdymalisia takija akciory, jak Romi Šnajder, Kłaŭs Kinski i Izabiel Adžani.
Niekatoryja karciny Žułaŭskaha vyklikali skandały i sprečki praź vialikuju kolkaść hvałtu i erotyki na ekranie, a jaho mistyčny film žachaŭ «Djabał» (1972) byŭ zabaronieny da pakazu ŭ Polščy.
Žułaŭski atrymaŭ 16 uznaharod na roznych mižnarodnych kinafiestyvalach. Jon napisaŭ niekalki ramanaŭ.
