Minskija ŭniviermahi praviaduć dni źnižak napiaredadni Mižnarodnaha žanočaha dnia, paviedamiła pres-sakratar hałoŭnaha ŭpraŭleńnia spažyvieckaha rynku Minharvykankama Nastaśsia Prymaka.
Handlovy dom «Na Niamizie» pradastavić źnižku 20% na ŭsie niecharčovyja tavary i 5% — na charčovyja 2 i 6 sakavika. «Ščodry Dzień» sa źnižkaj 20% projdzie ŭ HUMie 3 sakavika. Univiermah«Biełaruś» 5 sakavika paraduje pakupnikoŭ źnižkaj 20% na ŭsie niecharčovyja tavary. U «Kirmašy» 5-pracentnaja źnižka budzie dziejničać 2 sakavika.
Ekanamičnyja pakupki, u tym liku z atrymańniem padarunka, možna zrabić u firmiennych mahazinach i siekcyjach. Tak, pa 4 sakavika ŭ HC «Karona» sa źnižkaj 10% prapanujuć nabyć pradukcyju Aršanskaha lnokambinata. Tyja, chto 5 sakavika ŭ firmiennym mahazinie centra «Stalica» nabudzie tavary lnokambinata na sumu ad 200 tysiač rubloŭ, atrymajuć u padarunak ručnik.
Pa 15 sakavika ŭ handlovych arhanizacyjach stalicy na 15% źnižany ceny na kalekcyju «Vosień-zima» pradpryjemstva «Ramhil-Teks». Da kanca sakavika ŭ mahazinie «Śviet kaśmietyki» pry kupli pradukcyi ZAT «Viteks» na sumu zvyš Br250 tys. u padarunak možna atrymać dyskontnuju kartku. Taksama da 31 sakavika ŭ firmiennych mahazinach «Marka» na 40% źnižany ceny na zimovy abutak, na 20% — na demisiezonny, a taksama na ŭsie skurhałantarejnyja vyraby vytvorčaści «Vitma».
Dni źnižak buduć prachodzić u minskich univiermahach na praciahu ŭsiaho sakavika. Tak, handlovy dom «Na Niamizie» pradastavić pakupnikam 20-pracentnuju źnižku na ŭsie niecharčovyja tavary taksama 12, 19 i 23 sakavika, univiermah «Biełaruś» — 15 i 25 sakavika, HUM — 17 i 31 sakavika. Nabyć tavar tańniej na 17% minčanie i hości stalicy zmohuć 12 sakavika ŭ CUMie. Źnižku 15% padoryć pakupnikam «Kirmaš» 9, 16, 23 i 30 sakavika, mahazin «1000 drobiaziej» — 3, 10 i 24 sakavika.
