Charvatyja budzie abaraniać svaje miežy ŭ vypadku nieabchodnaści z dapamohaj armii i palicyi, zajaviŭ premjer-ministr Charvatyi Cichamiraŭ Areškavič.
Paśla pieramovaŭ z kancleram Hiermanii Anhiełaj Mierkiel, jakija prajšli ŭ hety aŭtorak, Areškavič abiacaŭ vypracavać rašeńnie mihracyjnaha kryzisu ŭ Jeŭropie.
Sama Mierkiel paśla pieramovaŭ zajaviła, što jeŭrapiejskim krainam treba realizavać płan pa raźmiaščeńni biežancaŭ, jakija prybyvajuć u Hrecyju. Jana vykazała škadavańnie, što ES nie pačaŭ raniej prymać miery pa abaronie miažy.
U paniadziełak mihranty, jakija sabralisia na miažy Hrecyi i Makiedonii, prarvali zaharody z dapamohaj samarobnaha tarana. Palicyja ŭžyła ślozaciečny haz, kab razahnać biežancaŭ. U hety ž dzień palicyja pačała znos łahiera biežancaŭ u francuzskim porcie Kale. Tam taksama daviałosia ŭžyć ślozaciečny haz.