Kamitet dziaržbiaśpieki nie kamientuje infarmacyju pra zatrymańni ŭ mazyrskim TAA «Łotas».
«U mianie niama infarmacyi. Naša praca składaje dziaržaŭnuju tajnu», — zajaviŭ načalnik pres-słužby KDB Dźmitryj Pabiaržyn.
«U vytvorčaści abłasnoha ŭpraŭleńnia Śledčaha kamiteta takoj kryminalnaj spravy niama», — adznačyła aficyjny pradstaŭnik USK pa Homielskaj vobłaści Maryja Kryvanohava.
Razam z tym žychary Mazyra aktyŭna abmiarkoŭvajuć zatrymańni kiraŭnikoŭ bujnoha pradpryjemstva. «Brali budynak ludzi ŭ maskach, jak u kino. Vynosili techniku, kampjutary», — paviedamiŭ žychar Mazyra, jaki pažadaŭ zastacca nienazvanym.
U «Łotasie» nie kamientujuć situacyju, adsyłajučy za padrabiaznaściami ŭ centralny aparat KDB. Viadoma, što ŭžo pryznačany vykanaŭca abaviazkaŭ hienieralnaha dyrektara. Da 29 lutaha rachunki pradpryjemstva byli aryštavanyja, u apošni dzień zimy aryšt byŭ źniaty, i supracoŭniki pradpryjemstva atrymali zarpłaty.
Raniej u Mazyrski rajvykankam pastupali skarhi ad rabotnikaŭ pradpryjemstva na zatrymku zarobkaŭ.
Asnoŭnymi vidami dziejnaści TAA «Łotas» źjaŭlajucca prajektavańnie i ŭźviadzieńnie budynkaŭ, mantaž i ramont techničnych pryład, što prymianiajucca na niebiaśpiečnych vytvorčych abjektach, na jakich vykarystoŭvajecca abstalavańnie mahistralnaha trubapravodnaha transpartu, zdabyča piasku silikatnaha adkrytym sposabam, mižnarodnyja i ŭnutryrespublikanskija pieravozki aŭtamabilnym transpartam, vyrab piłamateryjałaŭ, vyrab meblevaj i stalarnaj pradukcyi.
Zakazčyki pradpryjemstva — AAT «Mazyrski MNPZ», RUP «Homieltransnafta Družba», PUP «Zachad-Transnaftapradukt», «Biełahraprambank», Nacyjanalny park Prypiacki, Pietrykaŭskaje UKB, Mazyrskaje UKB, UPP «Biełtranshaz», RUP «Biełaruski mietałurhičny zavod».
