Pavodle krynicy ahienctva ŭ vajskovaj śfiery, hetyja vučeńni stanuć najbujniejšymi za ŭsiu historyju ŭzajemadziejańnia dźviuch dziaržaŭ. Metaj sumiesnych vučeńniaŭ, jak adznačyŭ surazmoŭca, jość papiaredžańnie ŭ adras KNDR.
U vučeńniach pad nazvami Key Resolve i Foal Eagle buduć udzielničać bolš za 300 tysiač vajskoŭcaŭ z Paŭdniovaj Karei i 15 tysiač amierykanskich vajskoŭcaŭ.
«My budziem vieści vučeńni, zachoŭvajučy pry hetym hatoŭnaść da paŭnočnakarejskich pravakacyj. Kali Paŭnočnaja [Kareja] vystupić z pravakacyjaj ŭ naš adras padčas vučeńniaŭ, našy vojski i siły ZŠA adkažuć ŭ dziesiacikratnym pamiery», — zajaviŭ surazmoŭca.
Sumiesnyja vučeńni ZŠA i Paŭdniovaj Karei projduć na fonie rostu napružanaści ŭ adnosinach pamiž Pchieńjanam i Sieułam. U studzieni 2016 hoda KNDR abviaściła ab paśpiachovym vyprabavańni vadarodnaj bomby, a nieŭzabavie — ab paśpiachovym zapusku rakiety, jakaja vyvieła na arbitu spadarožnik Kwangmyongsong 4 («Zyrkaja zorka — 4»), pryznačany dla nazirańnia za Ziamloj.
Zapusk rakiety raskrytykavali amal usie krainy, uklučajučy Rasiju. Rada Biaśpieki AAN pryniała pakiet uzmocnienych sankcyj u dačynieńni da KNDR.
U lutym amierykancy pierakinuli z Techasu na Karejski paŭvostraŭ try dadatkovyja zienitna-rakietnyja kompleksy SPA Patriot.
