Suchaputnyja vojski ZŠA ŭviali śpiecyjalnuju ŭznaharodu dla žaŭnieraŭ, jakija vajavali ŭ Iraku i Siryi suprać isłamistaŭ z 15 červienia 2014 hoda, piša aficyjny partał armytimes.com.
gannett-cdn.com
15 červienia 2014 hoda pačałasia apieracyja «Tryvałaja rašučaść» — vajskovaja apieracyja amierykanskich vojskaŭ suprać terarystyčnaj «Isłamskaj dziaržavy» u Iraku. Ź vieraśnia taho ž hoda jana pašyryłasia na Siryju.
Rašeńnie pra stvareńnie novaha miedalu było pryniataje Pientahonam jašče na pačatku viasny, adnak zakončyłasia raspracoŭka ŭznaharody i jaje statutu adnosna niadaŭna.
Žaŭniery atrymlivajuć miedal u troch vypadkach: 1) jak minimum miesiačnaje vykanańnie abaviazkaŭ ŭ zonie apieracyi, 2) udzieł u bai padčas apieracyi, 3) atrymanaje ranieńnie ci hibiel padčas vykanańnia abaviazkaŭ padčas apieracyi.
Raniej (u kancy 2015) Maskva ŭviała miedal dla ŭdzielnikaŭ svajoj apieracyi ŭ Siryi. Adnak, u adroźnieńnie ad amierykanskaha miedala, z-za vielmi razmytych kryteraŭ atrymańnia rasijskuju ŭznaharodu masava razdajuć cyvilnym asobam, jakija nijak nie ŭdzielničali ŭ bajavych dziejańniach.
Heta viadzie da poŭnaj devalvacyi sensu vajskovaj uznaharody.
Hetak, 8 lutaha 2016 hoda rasijskija miedali atrymali čyrlidarki z hrupy padtrymki šou «Ruskija asiłki», jakija vystupali na avijabazie ŭ Siryi na Novy hod.
