Pastanovaj Ministerstva pracy i sacyjalnaj abarony Biełarusi № 24 ad 31 maja zaćvierdžany pieralik arhanizacyj, u jakich hramadzianie zmohuć prachodzić alternatyŭnuju słužbu. Učora hety dakumient byŭ apublikavany na Nacyjanalnym pravavym internet-partale i nabyŭ moc.
U pieraliku — 371 arhanizacyja va ŭsich abłaściach krainy i Minsku. U asnoŭnym heta balnicy, ankałahičnyja dyspansiery, psichanieŭrałahičnyja dyspansiery, damy-internaty dla sastarełych i invalidaŭ, centry sacyjalnaha absłuhoŭvańnia nasielnictva, pradpryjemstvy ŽKH, sielskahaspadarčyja pradpryjemstvy, lashasy.
Zakon ab alternatyŭnaj słužbie nabyŭ moc 1 lipienia. Jon rehuluje adnosiny, źviazanyja ź jaje prachodžańniem naŭzamien vajskovaj słužby hramadzianami Biełarusi, jakija padlahajuć pryzyvu na terminovuju vajennuju słužbu, słužbu ŭ reziervie i jakija asabista zajavili, što pryniaćcie vajennaj prysiahi, našeńnie, prymianieńnie zbroi abo niepasredny ŭdzieł u vytvorčaści i absłuhoŭvańni zbroi, bojeprypasaŭ i bajavoj techniki supiarečać ich relihijnym pierakanańniam u toj miery, u jakoj stanovicca niemahčymym prachodžańnie voinskaj słužby.
Pytańni zabieśpiačeńnia prachodžańnia alternatyŭnaj słužby nie naležać da kampietencyi Uzbrojenych sił i Minabarony. Jany ŭvachodziać u śfieru kampietencyi Ministerstva pracy i sacyjalnaj abarony.
Terminy alternatyŭnaj słužby składajuć: dla hramadzian, jakija nie majuć vyšejšaj adukacyi, — 36 miesiacaŭ; dla hramadzian z vyšejšaj adukacyjaj — 24 miesiacy. U termin alternatyŭnaj słužby nie zaličvajucca dni, jakija prypadajuć na čas znachodžańnia hramadzianina ŭ adpačynku ŭ suviazi z pastupleńniem va ŭstanovu adukacyi i atrymańniem adukacyi, na termin adbyćcia pakarańnia ŭ vyhladzie aryštu, čas, na praciahu jakoha hramadzianin nie vykonvaŭ abaviazki alternatyŭnaj słužby ŭ suviazi z užyvańniem da jaho administracyjnaha spahnańnia, na praciahu jakich jon adsutničaŭ biez pavažnych pryčyn bolš za try hadziny padčas vykanańnia abaviazkaŭ alternatyŭnaj słužby albo znachodziŭsia ŭ hety pieryjad času ŭ stanie ałkaholnaha apjanieńnia, užyvaŭ inšyja adurmańvajučyja rečyvy padčas vykanańnia abaviazkaŭ alternatyŭnaj słužby.
