Na hetym tydni ŭ Rasii Uładzimir Pucin i Taip Erdahan sustrelisia i pacisnuli adzin adnamu ruku, robiačy vyhlad, što dźvie krainy vyrašyli kanflikt, jaki dasiahnuŭ pika mienš jak hod tamu.
Tady, u listapadzie 2015 h., turecki źniščalnik atakavaŭ i źbiŭ rasijski bambardziroŭščyk Su-24, u vyniku čaho zahinuŭ adzin ź piłotaŭ, a padčas ratavalnaj apieracyi — jašče adzin rasijski vajskoviec.
Niekalki miesiacaŭ tamu ŭ Maskvie
Adnak aŭtarytetny analityčny centr Stratfor ličyć, što farmalnaje zamireńnie nijak nie admienić taho, što Turcyja i RF majuć supraćlehłyja źniešniepalityčnyja mety. Kali ekanamična abiedźvie krainy mohuć plonna supracoŭničać, to ŭ Siryi ich śfiery ŭpłyvu pierasiakajucca.
«U Siryi RF i Turcyja iduć u dyjamietralna supraćlehłych nakirunkach. Bitva za Alepa, jakaja zaraz praciahvajecca, dobra heta ilustruje. Pucin i Erdahan mohuć razmaŭlać pra svajo žadańnie mirna zakončyć siryjski kanflikt, adnak dźvie hałoŭnyja siły za imaviernym stałom pieramovaŭ — sunickija miaciežniki, jakich padtrymlivaje Turcyja, i ŭradavyja ałavickija siły — dahetul viaduć bai za stratehičny punkt na mapie», — adznačajecca na sajcie analityčnaha centra Stratfor.
Navat padčas supracoŭnictva z Erdahanam Pucin budzie dziejničać suprać intaresaŭ Turcyi ŭ Siryi.
Maskva budzie vykarystoŭvać svaju padtrymku siryjskich kurdaŭ i Asada taksama jak sposab cisku na Ankaru. U toj ža čas Pucin moža dzialicca z Erdahanam infarmacyjaj pra imaviernyja anci-erdahanaŭskija hrupoŭki, jakija jašče zastalisia ŭ Turcyi.
Adnak stratehična Turcyja zastaniecca varožaj da Maskvy.
«Pucin i Erdahan — dva aŭtarytarnyja lidary ź vialikimi hieapalityčnymi ambicyjami. Ich sprava nie zavodzić siabroŭ, jany robiać toje, čaho patrabujuć dziaržaŭnyja intaresy. Budźcie ŭpeŭnienymi, jany jašče nie raz sutyknucca adzin z adnym», — ličać u Stratfor.