Minski mietrapaliten piarojdzie na zimovy hrafik ruchu elektraciahnikoŭ z 27 žniŭnia, paviedamiŭ načalnik słužby ruchu dziaržaŭnaha pradpryjemstva Ihar Dadałka.
Pa budniach i vychodnych skarociacca intervały ruchu ciahnikoŭ, sastavy pačnuć chadzić čaściej, skazaŭ surazmoŭca.
Tak, na pieršaj linii ŭ subotu intervały ruchu ciahnikoŭ skarociacca z 6 da 5 chvilin, u niadzielu — z 6,5 da 5,5 chvilin. Na druhoj (aŭtazavodskaj) linii intervały taksama stanuć karaciejšymi na 1 chvilinu: pa subotach — z 6 da 5 chvilin, u niadzielu — z 7 da 6 chvilin.
U budnija dni intervał ruchu pa pieršaj linii mietro ŭ ranišnija i viačernija hadziny pik składzie 2 chviliny (u letni čas — 2,5 chviliny), na druhoj linii — 2 chviliny (suprać 3 chvilin).
Čas ruchu pieršych i apošnich sastavaŭ mietro nie źmienicca, dadaŭ pradstaŭnik mietrapalitena.
Pierachod staličnaj padziemki na letni režym byŭ ažyćcioŭleny ŭ hetym hodzie z 27 červienia.
