Lohkaatletka Nina Panamarova, jakaja pryniesła SSSR pieršy ŭ historyi krainy załaty Alimpijski miedal, pamierła va ŭzroście 87 hadoŭ. Spartsmienka naradziłasia i da šaści hadoŭ žyła ŭ łahiernym baraku.
Jak havorycca ŭ paviedamleńni ministerstva sportu RF, «rasijski sport panios vialikuju stratu». «Na 88-m hodzie žyćcia pamierła dvuchrazovaja alimpijskaja čempijonka pa lohkaj atletycy, zasłužany majstar sportu SSSR Nina Apałonaŭna Panamarova (Ramaškova)», - havorycca ŭ paviedamleńni viedamstva.
Nina Ramaškova naradziłasia ŭ pasiołku Smyčka Śviardłoŭskaj vobłaści ŭ baraku łahiera HUŁAH u 1929 hodzie. Jaje baćka byŭ aryštavany jak syn śviatara, maci — jak dačka «kułaka». U 1936 hodzie, kali baćkoŭ vyzvalili, siamja ŭładkavałasia ŭ horadzie Jesientuki Staŭrapolskaha kraju.
U 1952 hodu spartsmienka adpraviłasia na debiutnyja dla kamandy SSSR Alimpijskija hulni ŭ Chielsinki i vyjhrała spabornictvy pa kidańni dyska z novym alimpijskim rekordam. Heta byŭ pieršy załaty alimpijski miedal dla SSSR.
Za ŭpartyja treniroŭki zamiežnaja presa nazvała jaje «žaleznaja łedzi».
