Alaksandr Łukašenka pavinšavaŭ člena nacyjanalnaj kamandy pa lohkaj atletycy Ivana Cichana z zavajavańniem siarebranaha miedala na Alimpijskich hulniach u Rya-de-Žaniejra.
«Heta sapraŭdny podźvih! — adznačajecca ŭ vinšavańni. — Tabie supraćstajali nie tolki samyja mocnyja kidalniki płaniety. Ty zdabyŭ hetuju ŭznaharodu, pieraadoleŭšy kałasalny maralny cisk i psichałahičny presinh. Nasupierak sumnieńniam i napadkam ty vyjšaŭ u siektar i davioŭ usim, na što zdolny sapraŭdny patryjot svajoj ziamli».
«Tvaja valavaja pieramoha — vydatny prykład dla tysiač chłopčykaŭ i dziaŭčynak, jakija robiać pieršyja kroki ŭ žyćci i sporcie», — padkreśliŭ kiraŭnik dziaržavy.
Ivan Cichan 19 žniŭnia zaniaŭ druhoje miesca ŭ finale alimpijskich spabornictvaŭ pa kidańni mołata z vynikam 77 mietraŭ 79 santymietraŭ. Najlepšaj u 40-hadovaha spartsmiena była piataja sproba.
Alimpijskim čempijonam staŭ Dziłšod Nazaraŭ z Tadžykistana (78,68), bronzavym pryzioram — palak Vojcach Navicki (77,73).
