Budaŭnictva šmatpaviarchovak vakoł Minska prapanujecca spynić. Pra heta išła razmova ŭ čas dakłada Alaksandru Łukašenku ab pierśpiektyvach raźvićcia Minska i prylehłych terytoryj vobłaści.
Staršynia Minskaha abłvykankama Siamion Šapira prainfarmavaŭ kiraŭnika krainy ab raźvićci nievialikich nasielenych punktaŭ, jakija znachodziacca ŭ niepasrednaj blizkaści da stalicy. U pryvatnaści, havorka išła pra ahraharadki Kałodziščy i Sienica, viosku Baraŭlany.
«My dazvalali tut budavać vielmi šmat žylla: za try hady vakoł Minska było pabudavana 1 młn kvadratnych mietraŭ. Kali vy padtrymajecie našu prapanovu, to chaciełasia b prypynić budaŭnictva šmatpaviarchovaha žylla ŭ takich nasielenych punktach vakoł Minska», — źviarnuŭsia da kiraŭnika dziaržavy Siamion Šapira.
«Viarnicie ŭ paradak hetyja nasielenyja punkty, kab jany mieli skončany vyhlad, i spyniajcie tam budavać, bo heta toje ž samaje, što zabudoŭvać Minsk», - padkreśliŭ Alaksandr Łukašenka.