Žychary Narylska (RF) vykładvajuć u internecie fatahrafii miascovaj raki Dałdykan, jakaja raptam afarbavałasia ŭ jarka-čyrvony koler, paviedamlajuć infarmahienctvy.
Tut i nižej fota z sacsietak
Miascovyja žychary miarkujuć, što raka stała čyrvonaj u vyniku chimičnaha zabrudžvańnia. Pry hetym reahienty mahli patrapić u vadu z raźmieščanaha pobač Nadziežynskaha mietałurhičnaha zavoda. Hetuju infarmacyju abviarhajuć u pres-słužbie pradpryjemstva. Tam zapeŭnivajuć, što pazaštatnych situacyj na zavodzie nie adbyvałasia, u tym liku avaryjnych skidaŭ. Da vyśviatleńnia situacyi zavod časova źniziŭ vytvorčyja mahutnaści.
Miž tym źjaviłasia jašče adna viersija «pačyrvanieńnia» raki. Nibyta takoje zdarałasia i raniej — raka Dałdykan afarboŭvajecca z-za žaleznaj rudy ŭ hlebie.
Minpryrody RF užo daručyŭ Raspryrodnahladu pravieści pravierku i vyśvietlić pamier škody, naniesienaj navakolnamu asiarodździu.
