Reuters.com
Prezident ZŠA Barak Abama i filipinski lidar Radryha Duterte, jaki raniej u zapale abazvaŭ kiraŭnika dziaržavy «sukinym synam», sustrelisia ŭ niefarmalnaj abstanoŭcy na samicie lidaraŭ krain Paŭdniova-Uschodniaj Azii ŭ Łaosie. Pra heta ŭ sieradu, 7 vieraśnia, paviedamlaje Associated Press sa spasyłkaj na kiraŭnika MZS Filipin Perfiekta Jasaja.
Pa słovach ministra, lidary dźviuch krain pierasieklisia ŭ zale, dzie čakali pačatku hała-viačery, jaki prachodzić u ramkach samitu. «Jany byli apošnimi, chto pakinuŭ pakoj», — adznačyŭ Jasaj. Jak jon udakładniŭ Reuters, kiraŭniki dziaržaŭ abmianialisia vietłymi słovami. «Ja vielmi rady, što heta adbyłosia», — dadaŭ ministr.
6 vieraśnia pradstaŭnik Dziaržaŭnaha departamentu ZŠA Mark Tonar paviedamiŭ, što vyznačanaja sustreča Abamy i Duterte była admieniena z-za taho, što abrany filipinskim lidaram ton rytoryki vyklikaŭ u amierykanskaha boku sumnievy ŭ praduktyŭnaści pieramovaŭ.
4 vieraśnia prezident Filipin Radryha Duterte nazvaŭ Baraka Abamu «sukinym synam» i paraiŭ jamu nie leźci z natacyjami ab pravach čałavieka. Tak jon adreahavaŭ na krytyku amierykancami adstrełu filipinskimi ŭładami narkahandlaroŭ. Paśla hetaha amierykanski prezident usumniŭsia ŭ metazhodnaści sustrečy. Radryha Duterte paśla vykazaŭ škadavańnie ab svaich słovach.
