Siońnia a 18-j hadzinie «Małady Front» mieŭsia pravieści akcyju, pryśviečanuju Aršanskaj bitvie, kala ambasady RF u Minsku. Niezadoŭha da jaje pačatku stała viadoma, što lidar «MF» Źmicier Daškievič byŭ brutalna vykradzieny i źviezieny ŭ nieviadomym kirunku.
19:05
Maleńkaja pieramoha — aktyvista adstajali. «Zvyčajnyja ludzi» ŭ cyvilnym nie vytrymali i pierad uvachodam u mietro syšli. Darečy, za prajezd u tramvai jany nie zapłacili.
18:40
Karotkaja akcyja zaviaršyłasia, aktyvisty nakiravalisia dadomu. Adzin ź ich, Siaržuk Strybulski, źjechaŭ na rovary, jahony los pakul nieviadomy. Za Paŭłam Prakapovičam paciahnulisia dvoje ŭ cyvilnym, tamu žurnalisty vyrašyli pravodzić jaho dadomu ŭ metach biaśpieki.
Tyja samyja dvoje ŭ cyvilnym:
18:30
Dvum aktyvistam MF usio ž udałosia razharnuć płakat «Akupanty — von!»
Da aktyvistaŭ pryčapiŭsia niećviarozy hramadzianin, jaki pačaŭ ich łajać i abražać, a taksama aburanaja pažyłaja žančyna, jakaja zaciata davodziła, što «biez Rasii my ŭsie pamrom». Mužčyna ŭ zachapleńni paciahnuŭsia da jaje z pacałunkam.
18:20
Stała viadoma pra zatrymańnie Uładzimira Jaromienka.
18:15
U dadzieny momant terytoryja ambasady akružanaja milicyjaj i siłavikami ŭ cyvilnym. Stajać aŭtazaki, milicejskija mašyny, sini mikraaŭtobus.
Jak paviedamlajuć žurnalisty «NN», ludziej zatrymlivajuć adrazu na padychodach da ambasady. Tolki što stała viadoma pra zatrymańnie aktyvistki Volhi Nikałajčyk.