U Polščy vystaŭleny abvinavačańni čatyrom hramadzianam Rasijskaj Fiederacyi — vychadcam z Čačni. Ab hetym paviedamlajecca na sajcie Nacyjanalnaj prakuratury krainy.
Viadomyja imiony abvinavačanych - heta Taus H., Zaur H., Ałvi I. i Šachman A. Ich padazrajuć va ŭdziele ŭ arhanizavanaj złačynnaj hrupoŭcy i zbory hrošaj dla finansavańnia isłamistaŭ u Siryi i Iraku. Jany ŭvachodzili ŭ skład padpolnaj sietki, jakaja dziejničała ŭ Biełastoku, Łomžy, Varšavie i inšych polskich haradach.
Śledstva vyjaviła, što čačency ŭdzielničali ŭ apieracyi pa akazańni miedycynskaj dapamohi adnamu z bajevikoŭ ID — jamu vyniali kulu z hrudziej, zabiaśpiečyli znachodžańnie ŭ Polščy, a potym dapamahli dabracca da Turcyi. Akramia taho, jany zakuplali dla isłamistaŭ aptyčnyja pryceły, taktyčnyja zaplečniki i harnitury.
Jak udakładniaje prakuratura, usie abvinavačanyja znachodzilisia na terytoryi Polščy na zakonnych padstavach. Jany prybyli ŭ krainu z Rasii i padali zajavy na atrymańnie statusu biežancaŭ. Im pahražaje pazbaŭleńnie voli na termin ad dvuch da 12 hadoŭ.
