Ministerstva antymanapolnaha rehulavańnia i handlu razasłała va ŭpraŭleńni handlu i pasłuh abłvykankamaŭ i Minski harvykankam instrukcyju pra arhanizacyju absłuhoŭvańnia vybarščykaŭ.
Pirožnyja pa 15 kapiejek na letašnich vybarach. Fota naviny.by
Ministerstva raśpisała, što musiać zrabić nazvanyja struktury, kab stvaryć «śviatočny nastroj, zabiaśpiečyć vysokuju jakaść absłuhoŭvańnia i pryvabnaść pasłuh hramadskaha charčavańnia» 11 vieraśnia ŭ čas praviadzieńnia vybaraŭ u Pałatu pradstaŭnikoŭ 6 sklikańnia.
Ministerstva rekamienduje zabiaśpiečyć najaŭnaść raznastajnaj pradukcyi hramadskaha charčavańnia, u tym liku biełaruskaj nacyjanalnaj kuchni, sadaviny i napojaŭ, suvienirnaj i drukavanaj pradukcyi. Viadoma, sa źnižkami «na asobnyja tavary i pradukcyju hramadskaha charčavańnia».
Ustanovam handlu rekamiendujecca taksama zabiaśpiečyć praviadzieńnie dehustacyj.
Ministerstva rekamienduje dać mahčymaść bieznajaŭnaha raźliku pakupnikam praz kartki BiełKart i mižnarodnaj płaciožnaj sistemy Visa i MasterCard.
Instrukcyju padpisała namieśnica ministra Iryna Narkievič. Pahladzieć dakumient možna tut.
